[914]

Erkundigt sich nach dem Ergebnis der Basler Tagung [vom 12.-14. November], welcher Konstanz zum Mißfallen der Basler ferngeblieben ist, und hofft, Bucer sei wieder genesen. Sendet die Stellungnahme der Zürcher, die in Konstanz Zustimmung fand, zurück und möchte wissen, wie sie [in Basel]aufgenommen wurde. Erklärt sich bereit, nach Zürich zu kommen, und unterstreicht die Aufrichtigkeit der Konstanzer. Grüße.

Salus et pax Christi.

o quam cupio audire ex te, observandissime Bullingere, quid actum et conclusum Basileae 1 ! Utinam omnia ex verbo domini successerint! Audio Basilienses fratres nostrum adventum desyderasse, absentiam vero iniquius tulisse ² . Sed quid est, quod per nos potuisset fieri? Deinde audio Bucerum non per omnia bene habuisse ³ ; restitutum tamen spero. Caeterum pro tua bonitate et benevolentia, imo ecclesiae nostrae commodo certiores nos facies de omnibus scitu dignis ⁴ .

Responsionem vestram ⁵ legimus, et placuit. Sed miramur, quam convenerit inter vos, quid additum, quid erasum. eam ad te remitto cum gratiarum actione.

Cunradus frater 6 et Thomas ⁷ , deinde fratres symmystae optant te bene habere.

Vale cum tota domo tua.

18. novembris 1536.

Tuus Io. Zvick.

Si quae habes, quae non sint tradenda literis et quae nos hic scire referat, paratus sum coram ex te intelligere.

[It]erum a vale, et ne cesses amare ecclesiam nostram. Insimulamur b a quibusdam, quasi studio simus nasuti. Sed dominus novit nostras mentes. Utri rectius sapiant, probabit dominus. Nos libenter offeremus libamenta pro ignorantia nostra. Scientes vero non peccamus.

[Adresse auf der Rückseite:] Ornatissimo viro M. Hainricho Bullingero, Tigurinae ecclesiae vigilantissimo antistiti, dilectissimo et observando suo fratri.