[797]
Autograph: Zürich StA, E II 337, 149 (Siegelspur) Regest: Capito, Corr. 208, Nr. 605
Empfiehlt den Italiener [Giovanni]Angelo [Odoni], einen Studenten Bucers. Will trotz Beschwerden
zum Konvent nach Sachsen reisen und bittet Bullinger nochmals, ihm [und Bucer]
ein freundliches und unverfängliches Schreiben mitzugeben.
S. Vos adit Angelus Italus 1 , qui contubernalis fuit et auditor Bucero toto biennio, homo eruditus atque egregie pius, quem vobis commendo. Neque aliud efflagito, quam ut quisque illi copiam sui prebeat. Nam appellandi consalutandique vos percupidus est. Facietis in hoc officium charitatis atque adeo humanitatis, quae cum in ethnicis regnet, plurimum apud nos christianos vigere debet.
Hodie, mi Bullingere, de conventu Saxonico 2 . Aestus magnus, iter prolixum, corpus invalidum et affectum, et tamen adibo sospitante me Christo, quae mea forte postrema profectio erit a . Interim ora tu dominum, ut pro ecclesiarum concordia faciat, quod animo, deus novit, syncero publiceque de ecclesiis benemereri cupiente admoliamur. amicas ac generales literas proxime ad nos scribe 3 , quibus in utilitatem ecclesiarum per occasionem utamur. Neque tamen causae, obsecro te, memineris.
Pellicano et Bibliandro hunc virum egregium similiter tecum commendo, cui pateris has facere communes.
Vale.
18. aprilis anno 1536.
V. Capito.
[Adresse auf der Rückseite:] M. Henrico Bullingero, Pellicano et Bibliandro, viris eruditissimis, sibi in domino observandis.