[507]
Oswald Myconius an
Bullinger
Basel,
10. Januar 1535
Autograph: Zürich StA, E II 343, 62 (Siegelspur)
UngedrucktEin Brief an die Berner [wegen eines gemeinsamen Abendmahlsbekenntnisses] blieb erfolglos.
Haben ihnen die Zürcher Anlaß zu Befürchtungen gegeben? Nicht bei Berchtold [Haller], wohl
aber in seiner Umgebung scheint Überheblichkeit mitzuspielen. Myconius hat das Bekenntnis
der Zürcher [Nr. 482] an Grynäus weitergeleitet, mußte ihm jedoch das versprochene Bekenntnis
der Berner schuldig bleiben. Bittet um Nachricht über die Zusammenkunft mit Bucer in
Konstanz. In Basel ist im Anschluß an eine Predigt von Myconius ein Streit um den theologischen
Doktorgrad entbrannt. Bittet um Stellungnahme der Zürcher. Capito wird in dieser Sache
nach Basel kommen.
S. Scripsi Bernensibus 1 certe qua potui fide et diligentia, verum sine fructu.
Rescripsit enim Berchtoldus 2 omnium nomine nos iam satis ex superioribus
epistolis 3 intelligere, quaenam hic sit mens eorum, qui verborum tenor. Hunc
mutare tam sit impossibile, ut si quid tentarent, potius essent amissuri totum
euangelion quam suos in aliam verborum inducturi formulam. Cum nos de
mutanda forma ne verbum quidem, imo contra admonuimus nihil esse tale
timendum, dubito, si vos tale quidpiam ad eos scripseritis, postquam timorem
istum ego prorsus meo iudicio sustulissem. Rogarant, ut se apud vos et alios
excusarem. Non video causam nec modum excusandi. Berchtoldum possem
tueri, alios non item 4 . Nescio, quid insolentiae videre mihi videar in quibusdam
non laudande.
Vestram a cum aliis confessionem dimisi 5 . Quid putas dicturum Grynaeum
caeterosque, ubi videbunt Bernenses non adesse? Tum mendax equidem iudicabor,
nam pollicitus sum propediem et Bernensium confessionem missurum;
ita speraram quemadmodum et tu b .
Dein venit nuncium ad nos, Tigurinos fratres, Bernenses, Scafhusianos,
Sanctogallenses, Svevos multos superioribus diebus fuisse congregatos Constantiam
ad Bucerum 6 . Si quid est, fac sciamus etiam.
Tandem adeo sumus hic ociosi, scilicet, ut contendamus, an doctores theologie
in universitate nostra creandi sint necne 7 . Mira commotio est; universitas
et senatus contra me saeviunt. Originem audi paucis: Equidem motus tyrannide
scholae Parisiensis dominica proxima post kalendas ianuarias 8 pro concione
paucis quidem verborum iaculis pugnaram contra theologos istos, cum de gradibus
sumendis esset pridie kalendas ianuarii decretum a senatu 9 . Mox consequuta
est interpretatio, tanquam scholam totam, gradus omnes voluerim extinctos
in contumeliam senatus decreti. Ego nihil tale in mentem acceperam.
Vocat senatus, quod hactenus nunquam factum, exprobrat facinus (bone deus)
grande, requirit rationem. Qui nihil contra universitatem senseram, ni voluisset
aliquid papisticum introducere, motus coepi contra doctoratum theologicum
causam dicere et tantum effeci, ut res ad fratres et universitatis doctos sit
reiecta. Hic igitur defendam, quod post officii munus per ecclesiam a spiritu
collatum non deceat honoris nomen pomposum adiicere. Ich c bin nit. Sagend
das dem Utinger d . Officii contemplatio deiicit enim, dignitatis tollit. Haec, requiro,
conferas cum Pellicano, Leone 10 et Theodoro 11 rescribasque mentem
vestram quam ocyssime. Aderit brevi Capito 12 ob hanc tantam rem. Ut e amicis
haec. Si quispiam effusurus esset, malo tibi soli scripta. Me capis f . Si proprius
mittendus nuncius, ne differas, ni velitis contra me pugnare. Utcunque rescribito.
Vale per dominum cum fratribus et familia.
Basileae, 10. ianuarii mane ante concionem —ideo brevior esse coactus sum
— anno 35.
O. Myconius tuus.
[Adresse auf der Rückseite:] Domino Heinricho Bullingero, doctissimo piissimoque
amico et fratri in domino suo.