[2242]
Autograph: Zürich StA, E II 356, 940 (ohne Siegel) a Ungedruckt
[Christoph] Froschauer hat Happel [Bullingers] Gruße und dessen Markuskommentar übermittelt. Auch wenn Bullinger nichts erwartet, hofft Happel, sich dafür bedanken zu können. — Weiteres wird Bullinger von Froschauer und aus Briefen anderer erfahren.
Gratiam ac pacem a domino.
Retulit mihi Froschouerus noster 1 tuis verbis plurimam salutem ac simul me tuis in Marcum commentariis 2 tuo, inquam, nomine donavit, quibus de causis immortalem tuae benignitati eximiae, vir omnium humanissime, gratiam habeo. Ac licet liberalis animus tuus (qui testimonium seu pignus tuae erga me benevolentiae et fidei relinquere tantum voluit neque ullam remunerationem expectat)" consoletur, tamen acerbam mihi vitam putabo, nisi vicissim meae erga te ac tuos omnes observantiae ac fidei arrabonem meae tenui fortunae convenientem nec indignum nostra amicitia remittam. Interim velim me omni rusticitatis ac ingratitudinis suspicione liberes.
Bene vale cum tota domo tua. Tempus nunc non fert, ut plura scribam; ac coram ex Froschouero et ex aliorum literis certiora cognosces, scio.
Date ex Francofurto, 12. septembris 45.
Tuus toto pectore Vigandus Happelius.
[Ohne Adresse.]c