[2236]

Pincier bedankt sich für die dem Marburger Lorenz Blankenheim entgegengebrachte Gastfreundschaft, der voll des Lobes auf Bullinger ist. Mögen die Worte und Taten [der Zürcher] noch bekannter werden! —Pincier hat das [,,Warhaffte Bekanntnuß"] sehr gern gelesen, nicht, weil ihn wie so manche die Uneinigkeit erfreuen würde, sondern weil diese Schrift die schändlichen Wortklaubereien in Luthers [,,Kurtz bekentnis"] mit Zurückhaltung sowie anhand von Fakten und seriöser [Argumentation] widerlegt. — Der Marburger Theologieprofessor Theobald [Thamer] appelliert in seinen Vorlesungen und Predigten an Christus, um dessen leibliche Präsenz im Abendmahl zu beweisen: Was für eine Blasphemie! Von solchen Theologen kann sich Pincier nur distanzieren und sich Bullinger anschließen. — Pincier empfiehlt sich Bullingers Gebet. Er [und die Gleichgesinnten] leben entsprechend den Worten Jesu wie Schafe unter den Wölfen. Doch Gott stärkt sie und hat ihnen einen nicht allzu schlechten Fürsten [Landgraf Philipp von Hessen] geschenkt. Ein Pincier bekannter Sekretär am [hessischen] Hofe [Simon Bing] hat erzählt, dass der Landgraf nicht nur den Zürchern freundlich geantwortet hätte [oben Nr. 2138], sondern dass er vielmehr, als der [Kur]fürst [Johann Friedrich] von Sachsen ein Verbot der [Zürcher]Schriften von ihm verlangte, von diesem und dessen Kanzler [Gregor Brück]forderte, sich einem weiteren Angriff Luthers auf die [Zürcher] zu widersetzen. Demzufolge wagen die Feinde nicht, offen gegen Pincier [und die Gleichgesinnten] vorzugehen. -Grüße; auch von Dec aus [Dietmar Fuhrmann].

[Salutem]a d[ico] per Christum.

Non potui non vehementer laetari et gratulari Laurentio Blanckenheimio 1 , Marpurgensi civi et amico nostro, tot tantisque officiis et honoribus hospitalitatis omnisque liberalitatis a vobis excepto, ornato, denique etiam honorificentissime dimisso; ² unde is, qua est ingenuitate iudicii atque morum, vestras agnoscit virtutes et praedicat humanitatem, modestiam, innocentiam

— et quid non? —, ut et ringantur iliisve rumpantur ³ qui vel iniqui vel inviti coguntur has laudes de vobis audire. Optamus enim atque speramus, quotquot boni viri sumus, causam veritatis non tantum iustis verborum rationibus, verum etiam recte et praeclare factis de vobis apud omnes homines innotescere. ⁴ Quo nomine iure mihi gaudendum et gratia vobis ingens habenda esse videtur, quod, cum quosvis alios tum praecipue nostros beneficiis demereri non omittitis (quamvis plerique nullam aut certe malam gratiam referamus) b , at vos non vestram, sed solius dei gloriam quaeritis, qui vel ipse solus fidem istam vobis rependet, quod non fatigamini calumniis invidiorum et ingratorum in benefaciendo. ⁵

Libellum vestrum apologeticum ⁶ adversus insanam convitiandi et damnandi libidinem, quae est in Martino Luthero contra vos, ⁷ libentissime vidimus et legimus; non quod dissidii malum nos delectet (quemadmodum nonnulli sunt perperam curiosi, qui nihil aliud quam perpetuas rixas et contentiones amant) c8 sed utile, pulchrum atque iucundum est visum illius ⁹ vanis, atrocibus, scurrilibus et obscoenis logomachiis et arroganter dictis opponi a vobis vera et solida, seria et gravia, casta et sancta omnia denique modesta, ut aequis modo iudicibus sive literatis sive plebeiis vestra innocentia facile appareat. Improbos vero scurras, nisi quod cursum veritatis aliquantum impediunt, parum curandos censeo, quibus nimirum nihil satisfaciet, si vel Christus de coelo vocem aut signum aedat, 10 ut pronuntiet, confirmet, persuadeat veritatem.

Hoc ideo dico, quod Theobaldus quidam 11 , in schola Marpurgensi professor sacrarum literarum (si dus placet) acutissimus, solitus est aliquando publice in sua lectione et disputatione, ¹² puto etiam in concione ¹³ coram auditoribus, Christum provocare et signum postulare et imprecari sibi ipsi d nescio quid mali, si non totus e Christus, quantus quantus est, corpore et animo, divinitate cum humanitate praesens ibi ¹⁴ versetur ante ipsius oculos: ¹⁵ Horrendam blasphemiam et ad stabiliendum errorem apprime appositam! Quae illum (malum) dementia excaecavit sic, ut Christum coelo detraheret? 16 Verum quid non audent et excogitant illi homines pro assertione opinionum

suarum, quos adeo nihil pudet mentiri et comminisci, tum in iactandis arcanis suis revelationibus ¹⁷ spiritus nescio cuius 18 tum in scriptis et sententiis aliorum secus habentium suggillandis! Quo iure quave injuria? Ab istiusmodi ergo theologis sponte ac ultro me separo et ad vos me adiungo, in quibus, si nihil aliud, maiorem tamen candorem semper reperi et perspexi.

Quare semel vos omnes uno ore rogatos volo, Bullingere, praeceptor in domino reverende, ut me vobis et vestris precibus etiam atque etiam commendatum habeatis, neye consilio vel solatio unquam desitis nobis. Vivimus enim revera hic ferme, quod Christus praedixit, sicut oves inter lupos. ¹⁹ Sed deus reddit nos magnanimos in suo negotio et constantes, quominus labamur aut desperemus. Idem quoque principem ²⁰ dedit nobis non usque adeo morosum aut iniquum, ut bene vellent nostratium quidam. Percepi enim ex bono viro ²¹ qui principi nostro a secretis est et quotidie adhuc in aula degit, quod, humanissime erga vos affectus, rescripserit vobis ²² non minus benigne quam prudenter; quod equidem, ut debui, animo gratissimo accepi. Dixit etiam ille ipse Saxoniae ducem ²³ tentasse landgravium nostrum de interdicto librorum vestrorum in hisce regionibus, ²⁴ sed principem minime consensisse aut paruisse; quin potius contra flagitasse ab illo et a Pontano ²⁵ eius cancellario, ut totis viribus Luthero resisterent, ne quid rursus contra vos moliretur. 26 Quid vero effecerit, ignoro. Hinc tamen vobis colligendum erit de benevolo principis erga vos animo, quem quia multi adversariorum norunt et maxime ii, qui nobis interdum negotia facessunt, idcirco haud queunt apertas contra nos inimicitias gerere. Ciandestinas tamen fovent procul dubio, quantas possunt. Sed ignoscat eis deus et coniungat nos, ut in ipso semper unum simus et sentiamus. ²⁷ Amen.

Bene vale in Christo et me, quod facis, ama. Salutat humanitatem tuam dominus Decius ²⁸ episcopus et patronus meus singularis. Saluta ex nobis omnes alios.

Datum ex Veteribus Castris, circiter nonas septembris anno 1545.

Johannes Pincziger tuus totus.

[Adresse auf der Rückseite:] Summa integritate cum doctrinae tum vitae theologo Heynricho Bullingero, religionis verae in Tigurina ecclesia antistiti, domino ac praeceptori suo. Tiguri.