[1444]
Autograph: Zürich StA, E II 343, 189 (Siegelspur)
Ungedruckt
Dankt für ein [Buch-]Geschenk. Beklagt, daß die evangelische Lebensweise wegen des erlahmten Eifers der Verantwortlichen nur ungenügend Fuß faßt, und ruft zu entschlossener Nachfolge im Blick auf die himmlischen Verheissungen auf Gruß.
S. Ago gratias 2 . Desines iam donare, nisi ingratum me reddere vis, dum ipse
quoque beneficiis tuis respondeam, inter que illud praeclarissimum est, quod
me iudicas esse dignum, quocum spiritum Christi communices. Istud igitur
sic pergamus.
Equidem si non solum alter in alterum boni respiciunt, sed in omnes, valde videre nobis est, qui aliquo certe in ecclesia sumus loco, quomodo disciplina Christi publice procedet. Valde est acerbum in nova luce beneficiorum dei nos plurimum frustra provenire, si nullum tempus fuit benignius. Saepe circumspicimus, quae causa sit. Languere enim studium fervorque videtur. Si id ideo est, quod iam quiescent hostes, non recte, non oculate satis circumspicimus. Simulat 3 abiisse, in insidiis est, maius aliquid molitur. Dominum testor mihi nescio quomodo in ista ecclesiae nostrae tranquillitate esse suspecta omnia. Laudatur evangelium, interea paulatim remittit charitas studiumque veri. Ah domine Christe, portum ipsum, ipsum portum vitae conspiciendum praebe, ne cursu defessi in re tanta animum despondeamus! Coelum petimus, nulla hic sedes est, locus nullus. In eo sapientia vitae est, scire vitam hinc peti, non hic esse 4 . Deum sanctum, quae vox haec est, et quam surdis nobis dicitur! Non repugnamus quidem, immo laudamus etiam, sed ea quam parvam vim sensumque in animos nostros habet. Facilius levissimi hominis et levissima de re pollicitatio quam promissa Christi coelestia animum accendunt. De me, Bullingere frater, dico. Sentio meum frigus intollerabile. Omnia prius hic expedire, omnia esse, omnia fieri cupio, quam Christum sequi. Sed age, studium rerum coelestium verarumque toto pectore renovemus.
Vale in domino. Saluta fratres omnes.
Gryneus tuus.
[Adresse auf der Rückseite:] Domino Heynricho Bullingero suo, amico.