[1432]

Das Geld für Gwalther und seine Mitstudenten soll nicht nach Konstanz geschickt werden, da der im vorigen Brief [Nr. 1430]erwähnte Marburger Ratsherr bereit ist, soviel vorzuschießen, wie die Zürcher zusagen. Bittet, ihn noch für ein Jahr zu unterstützen; nachher wird er sich in den Dienst Zürichs stellen. Ihr Stipendium soll Froschauer mitbringen, wenn er zur [Frankfurter] Messe reist. Gwalthers Epicedium auf Eobanus [Hessus] wird demnächst erscheinen; er verspricht, es umgehend zu schicken. Bittet nochmals um Bilder Zwinglis, da der Kreis jener, die dessen Lehre befürworten, täglich wächst; auch der Fürst [Philipp von Hessen] soll dazu gehören.

Gratiam et pacem a domino.

Cum literas omnes obsignavissemus ² ac Marpurgensis hic senator ³ , vir honestissimus, qui Constantiam petiit, de nummis agi audiret, iussit, ut aut ad te aut alium nostrorum parentum scriberemus, ne nummi Constantiam mitterentur, sed per literas tantum illi nobis mutuo dandi copia a nostris daretur a Offert enim se (ut est erga studiosos optime affectus) se omni in re nobis etiam ignotis adfuturum. Quare, pater colendissime, etiam atque etiam te rogo, ut Gregorio Mangolt, Constantiensi bibliopolae, nomine nostro scribas, qui illi haec nomine vestro indicabit. Hoc enim si fiat, summa, qua nunc laboramus, necessitate facile extricabimur. Opus autem est, ut eadem Wolphii 4 et Wikii ⁵ parentibus indices.

Fac, quaeso, mi pater, ut te et alios mihi patronos ut hactenus habeam; efficiam certe, quantum in me erit, ne aut vos vestrae beneficentiae aut quenquam sui in me beneficii poeniteat. Pudet me herde ab ignotis mutuo sumere, si domestico auxilio destituar. Unum hunc annum ut liberius vivere possim, peto; hoc enim transacto me in vestrae reipublicae usum paratissimo animo offero.

Fac autem, ut Froschouero stipendia nostra ad nundinas ituro numerentur, quo statim in nundinarum principio nostris s [atis ]b fieri possit creditoribus.

Vale, pater charissime. Epicedion Eobani ⁶ tuo nomini dicatum hisce diebus (ut d. Lonicerus affirmat) universitatis huius nomine imprimetur, quod primo, quo possum, nuntio mittam.

Si tamen nunc Zvinglii imagines ⁷ mittere poteris, quaeso, mittas. Nunc enim quotidie et inter cives et doctos prodire incipiunt, qui nostrae religionis fautores sese manifesto testantur, quod idem de principe ¹⁸ omnes affirmant.

Vale iterum, deusque te nobis diu incolumem d servet.

Tui observantissimus

Rodolphus Gvaltherus.

[Adresse auf der Rückseite:] Clarissimo viro d. Heinricho Bullingero, Tigurinae ecclesiae antistiti vigilantissimo, patri suo plurimum colendo.