[1211]

Rudolf Gwalther an

Bullinger

[Straßburg],

4. Januar 1539

Autograph a : Zürich StA, E II 359, 2772 (Siegelspur) Ungedruckt

Ist gesund, abgesehen von Augenbeschwerden. Bedauert, daß Bullinger seinen Brief [Nr. 1206] so spät erhalten hat, und bittet nochmals um Stellungnahme zu seinen Reiseplänen; für die Briefübermittlung steht Otto [Werdmüller] zur Verfügung. Stimmt den Ratschlägen für eine bescheidene Ernährung zu, möchte aber den Kostgeber für die verbleibende Zeit nicht mehr wechseln, da die Einsparung gering wäre. Wird sich um den Brief für Nicholas [Partridge] kümmern. Kann keine Neuigkeiten berichten; die in Wittenberg erschienene und vielgerühmte Tragödie "Pammachius" [von Thomas Naogeorg] konnte er nicht finden. Grüße.

Gratiam et pacem a domino.

Valetudinem meam incolumem esse scias, pater observande, si oculorum tam valerem acumine quam reliquo corporis habitu; hi enim nescio qua de causa viribus suis indies remissis etiam dolores non raro mihi parturiunt. Sed dabit deus his quoque finem ¹ .

Literas meas ² tam sero ad te pervenisse maxime doleo; hae enim si citius ad te perlatae fuissent, et meis et sodalis mei ³ negotiis non parum profuissent, si de nova profectione nostra ⁴ certum abs te responsum accepissemus. Spero tamen te hoc curaturum, ut brevissime id abs te habeam. Si enim tabellarius tibi defuerit, qui Argentinam petat, Basileam missas literas Otho ⁵ noster singulis fere diebus ad me b transmittere potest.

Scripsisti mihi vitae meae rationem proximis datis literis ⁶ , quod quidem consilium utilissimum esset, si talem usquam invenire possem hospitem. Nam te omnino hoc opinari intelligo, sumptus hos meos propter splendidiores nobis mensas appositas maiores fieri, quod autem revera non est. Nam cum apud te, quem solum patris loco mihi colendum puto, nihil caelare ausim, certo scias me, quoad vixerim, frugaliori mensa acceptum minime fuisse, ita ut non raro exoptem cum c Helvetica frugalitate omnes nostrae mensae delitias commutare. Ad mensuram enim bibendum est, cum singulis singula tantum apponantur pocula eaque minima semelque tantum repleta, quod ego curarem minime, si huius soli aquam ferre possem. Cibi, quibus cibamur, lautissimi sunt, olera et rapae. Tamen non possem quemquam invenire, qui me eodem modo viliori quam 26 florenorum pretio aleret ⁷ . Ego

a Mit Anstreichung von späterer Hand.

b nach me gestrichenes p.

c cum über der Zeile nachgetragen.

1 Vergil, Aeneis, 1, 199.

2 HBBW VIII, Nr. 1206.

3 Martin Peyer.

4 Die Rede ist von der geplanten Reise nach Wittenberg; vgl. ebd., Z. 28-70. Otto Werdmüller.

6 Nicht erhalten.

7 Gemeint ist das Kostgeld für ein ganzes Jahr; vgl. HBBW VIII, S. 254, 16-20.

unius floreni causa, cum mox mihi discedendum sit, hospitem mutare parum decorum esse puto. Verno tempore res meas melius se habituras spero. Te rogo, ut consilio meo (quod ante tibi explanavi) bene perpenso tuo me subleves consilio, quod nunc expecto indies.

Curabo, ut Nicolao ⁸ nostro haec in Angliam scribam ⁹ , quam primum potero.

Varii apud nos sunt rumores, sed nihil certi habetur. Edita nuper est tragedia quaedam Witembergae, quam Pammachium 10 vocant; eam omnes cum maxime laudent, tibi misissem, si venalem invenire potuissem. Plura nunc scribere non possum nec habeo, quorum relatione te iuvari intelligam. Tu haec mea aequo, ut soles, animo accipe.

Salutem dicas nomine meo matri 11 et uxori ¹² tuae et universae familiae tuae, quibus hunc annum quam fortunatissimum esse precor.

4. ianuarii 1539.

Rod. Gvalterus, tui

observantissimus.

[Adresse auf der Rückseite:] Vere pio et erudito d. Heinrycho Bullingero, patrono suo imprimis colendo. An M. Heinrich Bullinger, predicanten zu Zürich.