[1175]

Dankt für eine Hochzeitsgabe. Die Pflege der Freundschaft ist in dieser Zeit besonders wichtig, damit die Kirche der Welt auch in Zukunft Trost bringen kann. Bittet, Ptolemäus' [,,Almagest"] an Vadian weiterzuleiten.

S. Bene, mi Bullingere charissime, facis, cum studiis bonorum sanctam tuam sanctificationem addis, quo meum matrimonium auspicatius ac domino deo nostro gratum magis reddas. Gratias ago tibi in domino Christo. Nullum esse scio meo cordi gratum magis officium quam piorum virorum in meis institutis consiliis conspirationem. Illud vero perhumaniter facis, cum ita Greek conformas doctrinae, ut extare eius memoriam perpetuam apud nos velis. Laudo institutum a , amo humanitatem. Dominus Christus in veras vereque tanto sponso b dignas flammas corda nostra sancto suo spiritu exuscitet. Amen.

De amicitiae nostrae conservatione dabis sic operam, ut solitus es. Certe tempus hoc nec vulgares animos nec parva ingenia nec levia consilia requint, quomodo eam ecclesiam, quam tradidit nobis Christus, velimus non solum conservare, sed sic tradere posteris, ut et captivo terrarum orbi possit adferre solacium. Summa solidissimaque praestantium omnium virorum consensione ad eam est opus, mi Bullingere, frater charissime. Oro dominum Christum c , omnis consilii et consolacionis et charitatis fontem, ut nos sobrie in lucida ipsius veritate arctissime devinctos teneat. Amen.

Saluta omnes istic mihi charissimos fratres.

Gryneus tuus.

Hunc librum Ptolomaei ² obsecro, ut ad Vadianum meo nomine mittas. Vale.

[Adresse auf der Rückseite:] Viro clarissimo Henrycho Bullingero, fratri colendissimo. Tyguri.